Þann 15. febrúar næstkomandi mun Þroskaþjálfafélag Íslands bjóða upp á fyrirlestur um útivist og útivistarmöguleika fatlaðra. Fyrirlesari verður Beth Fox,  en hún efur unnið að útivistarmálum fatlaðra í hátt á þriðja áratug. 

Beth Fox er sjúkraþjálfari og sérkennari að mennt og er framkvæmdarstjóri National Sports Center for the Disabled (NSCD) í Colorado í Bandaríkjunum. NSCD býður öllum sem hafa sérþarfir upp á aðstoð við útivistariðkun, hvort sem það eru blindir í klettaklifri, fjölfatlaðir á skíðum eða fólk með félagsfælni í hópútilegu.