Þorrablót

Nú nálgast Þorrinn og mál til komið að fagna því!!!

Þorrablót CP félagsins verður haldið að Háaleitisbraut 11-13, 4. hæð

laugardaginn 4. febrúar kl. 19.00. (staðsetning gæti breyst)

Verð kr. 3.000.- fyrir manninn. 

Ath. hver kemur með sín drykkjarföng.

Sendið póst á cp@cp.is ,

eða hringið í síma 691-8010

í síðasta lagi miðvikudaginn 1. febrúar

og tilkynnið þátttöku.

Sjáumst hress á þorrablóti.

ÍÞRÓTTARSKÓLI 

FYRIR HRESSA KRAKKA!

Námskeiðið er í 6.vikur frá 21.janúar til 25.febrúar.Íþróttaskólinn er í boði einu sinni í viku alla laugardaga kl. 10.30 til 11.30

Skólin er fyrir krakka á aldrinum 4-8ára Íþróttarskólinn hefur aðsetur hjá íþróttafélagi fatlaða  við Hátúni 14. Best er að börnin séu berfætt/tátiljum og í þægilegum bol og buxum, ekki er þörf á sérstökum íþróttafatnaði.

Skráning er í síma 561-8226

Þátttökugjald er kr. 3.000-

Í Íþróttaskólanum ætlum við að leysa ýmsar þrautir þar sem börnin þurfa að reyna á jafnvægi, fín- og grófhreyfingar, samhæfingu og líkamlegan þroska sem og félagslegan.   Þau læra að bera virðingu fyrir öðrum og vinna saman. Skynfærin þarf einnig að örva og samhæfa.

Skólastjóri er Ása Guðbrandsdóttir sjúkraliðarnemi

Aðstoðarskólastjóri Kara Rut Hanssen 

Nánari upplýsingar um skólann veitir Ása gegnum netfangið ithrottaskoli@gmail.com

Allar aðrar upplýsingar veitir Þórður í síma 561-8226 eða í netfangið ifr@ifr.is

Jólaball CP félagsins og Æfingastöðvarinnar verður haldið í

            Safnaðarheimili Grensáskirkju     

 Háaleitisbraut 66

              Fimmtudaginn 29. desember kl 15.30.

 Flottar veitingar og jólasveinar

 mæta á svæðið með gjafir í poka.

Aðgangseyrir kr. 500 fyrir 12 ára og eldri

 Vinsamlegast komið með peninga - enginn posi verður á staðnum.

 Með bestu óskum um gleðileg jól.

Í dag kom út bókin Eitt samfélaga fyrir alla, um 50 ára sögu Öryrkjabandalags Íslands. Skráð hefur Friðrik G. Olgeirsson, sagnfræðingur. Sjá frétt:http://www.obi.is/utgafa/frettir/nr/956

Í tilefni þessa var opnuð sögusýning í sal Ráðhúss Reykjavíkur. Öllum er hjartanlega velkomið að skoða sýinguna sem stendur til 27. nóvember nk.

Heimildarmynd um 50 ára sögu ÖBÍ, sem frumsýnd var á 50 ára afmælisdegi bandalagsins er nú komin á heimasíðu ÖBÍ. Útgáfur með táknmáli og á enskum texta eru væntanleg á næstu dögum. Slóðin er:  http://www.obi.is/utgafa/myndbond/saga-obi-i-50-ar/

Njótið vel

Þann 30. október eru 10 ár frá því

Félag CP á Íslandi var stofnað.

Af því tilefni ætlum við að bjóða til afmælisveislu.

Boðið verður uppá leiki í sal,

 andlitsmálningu og pylsuveislu.

 Jón Jónson söngvar kemur og syngur fyrir okkur.

Við veitum 10 hressum krökkum hvatningarverðlun.

Hittumst hress í Hátúni 14 í

íþróttahúsi Íþróttafélags fatlaðra í Reykjavík.

á sunnudaginn klukkan 13:30 - 15:30.

Stjórnin

Opin ráðstefna á vegum velferðarráðuneytisins og Sambands íslenskra sveitarfélaga
í samstarfi við Félagsvísindastofnun, Rannsóknarstofnun í fötlunarfræðum og Stofnun stjórnsýslufræða og stjórnmála við Háskóla Íslands

Aðstæður fatlaðs fólks: Aðbúnaður, þjónusta, viðhorf, líðan, sjálfræði.

Stöðuúttekt á þjónustu við fatlað fólk við tilfærslu á málaflokknum frá ríki til sveitarfélaga 1. janúar 2011.  Kynning á niðurstöðum rannsóknar - lærdómur til framtíðar.

26. október kl. 13-16:45 í Hörpu, Norðurljósasal.

Aðgangur öllum opinn, en til hagræðis eru þátttakendur beðnir um að skrá sig. 
 

Dagskrá:

13:00-13:10                 Guðbjartur Hannesson, velferðarráðherra flytur ávarp.
       
13:10-14:00                 Dr. Guðbjörg Andrea Jónsdóttir, forstöðumaður Félagsvísindastofnunar og Dr. Rannveig Traustadóttir, prófessor í fötlunarfræðum HÍ.
                        Niðurstöður rannsóknar um flutning þjónustu við fatlað fólk frá ríki til sveitarfélaga.

14:00-14:15                Tryggvi Þórhallsson, lögfræði- og velferðarsvið Sambands íslenskra sveitarfélaga.
                        Lærdómur sem sveitarfélögin geta dregið af niðurstöðum rannsóknarinnar.

Umræður í 15 mín og síðan kaffi í 15 mín.

14:45-15:55               Viðbrögð sveitarfélaga og hagsmunaaðila:
                             Frá sveitarfélagi sem tók við málaflokknum um síðustu áramót.
                        Stella Víðisdóttir, sviðsstjóri velferðarsviðs Reykjavíkurborgar.
                        Ragnar Þorsteinsson, sviðsstjóri menntasviðs Reykjavíkurborgar.

                        Frá sveitarfélagi með þjónustusamning um málefni fatlaðra.
                        Soffía Lárusdóttir, framkvæmdastjóri búsetudeildar Akureyrarbæjar.

                        Frá sjónarhóli notenda.
                        Hrefna K. Óskarsdóttir, verkefnastjóri Öryrkjabandalags Íslands .
                        Friðrik Sigurðsson, framkvæmdastjóri Þroskahjálpar.

                        Frá sjónarhóli starfsmanna.
                        Anna Lilja Magnúsdóttir, framkvæmdastjóri Þroskaþjálfafélags Íslands.
                        Þórarinn Eyfjörð, framkvæmdastjóri SFR.

15:55-16:15                Freyja Haraldsdóttir, framkvæmdastjóri NPA miðstöðvarinnar  tekur saman niðurstöður ráðstefnunnar.  

16:15-16:40                Umræður.

16:40-16:45                Halldór Halldórsson, formaður Sambands íslenskra sveitarfélaga flytur lokaorð.

Ráðstefnustjóri er Lára Björnsdóttir MA, sérfræðingur í velferðarráðuneytinu.

Um síðustu áramót var ábyrgð á þjónustu við fatlað fólk flutt frá ríki til sveitarfélaga.  Þessi tilfærsla á verkefnum milli stjórnsýslustiga átti sér nokkurn aðdraganda en endanleg ákvörðun var tekin í mars 2009 með undirritun viljayfirlýsingar milli ríkis og sveitarfélaga um að hún skyldi eiga sér stað 2011.  

Eitt af meginmarkmiðum tilfærslunnar er að bæta þjónustu við fatlað fólk og auka möguleika á að laga hana að þörfum notenda með hliðsjón af ólíkum aðstæðum. Til að meta hvort þetta markmið náist gerði velferðarráðuneytið samkomulag við Félagsvísindastofnun, Rannsóknarstofnun í fötlunarfræðum og Stofnun stjórnsýslufræða og stjórnmála við HÍ um að gera viðamikla úttekt á stöðu og þjónustu við fatlað fólk við flutning málaflokksins milli stjórnsýslustiga.  Ráðgert er að gera sambærilega úttekt á árinu 2014 til að meta faglegan ávinning af tilfærslunni.

Rannsóknin beindist að þjónustunotendum og aðstandendum þeirra, auk starfsmanna í þjónustu við fatlað fólk. Á ráðstefnunni verða niðurstöður hennar kynntar og ræddar.  Horft verður til framtíðar varðandi hugsanlegar breytingar á áherslum eða forgangsröðun með hliðsjón  af niðurstöðum rannsóknarinnar og lærdómi sem hægt er að draga af henni.  

Á ráðstefnunni mun Guðbjartur Hannesson velferðarráðherra flytja ávarp.  Þá kynna Dr. Guðbjörg Andrea Jónsdóttir forstöðumaður Félagsvísindastofnunar og Dr. Rannveig Traustadóttir prófessor í fötlunarfræðum niðurstöður rannsóknarinnar. Síðan fjallar Tryggvi Þórhallsson hjá Sambandi íslenskra sveitarfélaga um lærdóm sem sveitarfélögin geta dregið af rannsókninni.  Í kjölfarið koma viðbrögð frá Stellu Víðisdóttur og Ragnari Þorsteinssyni frá Reykjavíkurborg, en borgin var meðal sveitarfélaga sem tók við málefnum fatlaðs fólks um síðustu áramót.   Soffía Lárusdóttir frá Akureyrarbæ ræðir sjónarmið sveitarfélags sem hafði áður tekið yfir þjónustu við fatlað fólk með þjónustusamningi.  Í framhaldinu eru viðbrögð fulltrúa hagsmunasamtaka og fag- og stéttarfélaga starfsmanna, en það eru þau Hrefna K. Óskardóttir frá Öryrkjabandalagi Íslands, Friðrik Sigurðsson frá Þroskahjálp, Anna Lilja Magnúsdóttir frá Þroskaþjálfafélagi Íslands og Þórarinn Eyfjörð frá SFR.  Að síðustu mun Freyja Haraldsdóttir framkvæmdastjóri NPA miðstöðvarinnar draga saman niðurstöður ráðstefnunnar og Halldór Halldórsson formaður Sambands íslenskra sveitarfélaga flytja lokaorð.  Ráðstefnustjóri er Lára Björnsdóttir, sérfræðingur í velferðarráðuneytinu.

Fréttatilkynning     

Special Olympics á Íslandi, KSÍ, knattspyrnufélagið Víkingur og íþróttafélagið Ösp hafa sett á fót samstarfsverkefni um Unified Sport á Íslandi.   Unified Sport er nýtt verkefni  hér á landi en verkefnið er á vegum Special Olympics international.  Verkefnið felur í sér æfingar og keppni þar sem fatlaðir og ófatlaðir eru saman í liði.

Fyrsta íþróttagreinin sem sett verður upp á þennan hátt er knattspyrna kvenna.

Æfingar verða á vegum knattspyrnufélagsins Víkings og íþróttafélagsins Aspar og Æft verður einu sinni í viku á laugardögum og fyrsta æfing er laugardaginn 24. september kl. 12.00 - 13.30 á knattspyrnusvæði Víkings.  Þjálfarar verða Einar Guðnason, þjálfari hjá Víkingi og Darri McMahon, þjálfari hjá Ösp.

Stelpur og konur með þroskahömlun er sá markhópur sem æfingarnar ná til og skorað er á þær að taka með sér vinkonur, systur eða skólasystur.  Stúlkur úr knattspyrnufélaginun Víkingi verða með á æfingunum sem eru fyrir 12 ára og eldri.

Markmið æfinganna eru:

·        Bæta grunntækni í knattspyrnu

·        Stuðla að heilsusamlegri hreyfingu

·        Stuðla að góðum félagsskap

·        Auka áhuga á knattspynu og hreyfingu almennt

·        Stuðla að jákvæðri upplifun af  knattspyrnu  og  hreyfingu

Nánari upplýsingar veitir Darri McMahon í síma 8678049 og Ólafur Ólafsson formaður Aspar. Sími 8998164   Netfang ospin@ospin.is

Endilega vera  óhrædd að koma með fyrirspurnir eða séróskir, við munum reyna að skoða allt sem upp kemur þannig að þetta gangi sem allra best.

Íþróttafélagið Ösp og Júdófélag Reykjavíkur hafa tekið saman höndum og munu standa saman að námskeiði fyrir einstaklinga með þroskahömlun sem og sjónskerta/blinda. Þátttakendur í námskeiðunum munu greiða þátttökugjöld til Júdófélagsins en gerast um leið félagsmenn í Öspinni og greiða þar félagsgjöld.Námskeiðið hefst þann 4. október næstkomandi og verður tvisvar sinnum í viku fram að áramótum og er námskeiðsverðið kr. 22.000,-Nánari upplýsingar gefur Ólafur Ólafsson formaður Aspar í síma 899 8164 og skráningar skulu sendast á ospin@ospin.is

Tilraunastofa í myndlist fyrir hreyfihamlaða.